Male Guds rike

Torsdag kveld fann eg ut: "Hei, hei. Eg reiser på leir i morgon..." Kvifor ikkje?

Frå fredag til sundag har eg vore på ein leirstad som heitter Kvamseter og er eigd av NMSU. Me reiste ut ca 10 stk. for å male og fikse og gjere dugnadsarbeid.

No er eg full av malingsrestar, whitesprit, sikkert løsemiddelskader men mest av alt gode minne. Det har vore ei helg saman med min beste ven Jesus og saman med andre flotte menneskje. Ei helg eg har kunne slappe av frå kvardagens kaos - sjøl om det har vore mykje arbeid. Eg har fått tid til å tenkje, tid til å vere åleine. Berre meg og ein malekost. Utruleg kor monge tankar som du får tenkt ferdig. Vanlegvis får ein aldri avslutta ei tankerekke, men det fekk eg i helga.

Ikkje nok med alt dette, men i tillegg tjener det Gud. Det er for meg det viktigste. Det er mange måtar ein kan tjene Gud. Gjennom song, forkynning, dans. Men med må ikkje gløyme det praktiske. Nokon gonger kan me tjene Gud ved å arbeide, og det fekk eg vere med på denne helga. Kva kan vere meir viktig enn det. Til denne leirplassen kjem det utruleg mange ungdomar for å høyre om Jesus.

Ver med å male Guds rike her på jord. Ingen kan gjere alt - men alle kan gjere noko.