Julehelsing

God Jul!

Eg vonar du har hatt ein velsigna strålande jul! Eg har hatt ein aldeles nydeleg julaften. Mange fine gaver har eg og fått. Eg har slappa av mykje - kanskje litt for mykje til tider, men i morgon skal me ut i snøen og kose oss. Me skal leike og ake. Eg gler meg masse. Då eg kom heim var det julekortlaging, -skriving, -liming og -sending på gong og her er julebileta frå familien Larsen i år:

Mor, meg, far og Nina Marie i snøen.

Eg og Nina Marie - verdas kulaste systre...

Nina Marie har lært meg korleis eg brukar Photoshop og dermed har eg sjølvklårt leikt meg med det og! Her er resultatet:

Siri Beate, Biå og meg ;o)

Julegavetilkvarandrebord

Eg elskar jul! Og eg gler meg som ei lita jente til å endeleg kome heim til Grannes; til familien min, til gode vener, til julepynt, til juletre, til julekort, til leiking i snøen i Sirdalen, til pakkeseremoni, til litle julaftenfrukost, til julaften med mor, far, Nina Marie, tante Liv Helene og søskenbarnet mitt Arild, til romjul og til bursdagsselskap. Og som om ikkje alt dette fantastiske eg har å kome heim til er nok skal eg videre til Kjeller og vitje min kjære og familien ved nyttår. Eg må seie eg har eit fint liv!

Men eg har og eit supert liv i Bergen, som ein ikkje skal kimse av! Fredag 10. Desember var eg, Janne, Kristine og Natalie på Big Horn Steak House og åt. Silje skulle vere med men eksamensmonsteret hadde åte ho opp. Eg har funne fram mitt gamle kamera - så eg har bilete de kan sjå.

Kristine og Janne.

Natalie.

Meg.

Me er alltid seriøse...

Søøøte.

Ein effektiv Siri Beate

Idag har vore ein utruleg effektiv dag!

Det hjelper jo at eg ikkje har noko anna å gjere enn skule, då eg er i Ålesund heilt åleine. (Heidi er i Stryn) Eg likar ikkje å skrive om at eg har mykje å gjere, men eg har det! Eg skal levere 20 sider (10-12 sider prosjektbeskriving om bacheloroppgåva og 8 sider praksisrapport) innan veke 47. Me er no på laurdag veke 45 og i dag morges hadde eg skrive 2 av 20.... No er eg på vel 6, trur eg. For eg har nemleg:

• Laga liste over kati eg skal gjerekva fram til oppgåvene skal inn
• Skrive framdriftsplan (kva eg skal jobbe med på bacheloroppgåva kvar veke til ho skal inn i veke 17)
• Lese om tillit
• Skrive om tillit
• Lese om kvalitativ og kvantitativ metode
• Skrive kvifor eg har vald problemstillinga mi til bacheloroppgåva
• Skrive 3 sider på praksisrapporten.

Det er ikkje vanskeleg å gjette kvifor eg er nøgd med meg sjølv idag.

Eg trur eg er over gjennomsnittleg glad i å skrive lister. Før dagen idag blei eg øyddelagd i hovudet kvar gong eg tenkte på alt eg hadde å gjere. No som eg har laga meg ei liste som fortel meg kva eg skal gjere kvar dag blir heile tilvera mi mykje lettare. No, når eg tenkjer på alt eg har å gjere, veit eg kor eg skal byrje. Og det som gjer alt ennå betre er at eg kan hake av når eg er ferdig med noko. Då blir det plutseleg kjekt å fullføre det eg jobbar med, for eg kan hake av ei ny rute på lista mi!

Her er eit bilete av korleis dagen min har vore:

Eg er ikkje sint - berre konsentrert.

Ålesund

Eg er i Ålesund. Hurra. Laurdag for ei veke si kom eg og Heidi fram til nydelege Ålesund og vandra rundt og blei kjende. Ålesund er verkeleg ein koseleg by.

MEN, so skjedde det som ikkje er hyggeleg å fortelje dykk, men livet er jo ei dans på rosar - og rosar har torner. Eg og Heidi fikk frastjåle båe sin datamaskin, hennar mobil og min iPod og spegelreflekskamera. Det var ikkje så morosamt, så me måtte melde frå til politiet. Og slite med forsikringar og liknande. Me veit ikkje heilt korleis det blir. Men ein må berre se positivt på det. No har eg fått meg ny datamaskin. Og eg har teikna ein "Heidi og Siri Beate har blitt frastjåle tinga sine"-somarfugl.

Heidi. Meg.

Me bloggast.

Endeleg

Har eg tid.

Nokre gonger føles det som eg jagar etter tida i staden for å prøve å la ho kome til meg. Men ein har det utruleg kjekt når eg hoppar frå det eine til det andre - når det skjer ting heile tida. Men nokre gonger treng ein ro. Til å gjere ting ein aldri har tid til. Idag har vore ein sånn dag. Eg er komen til Ålesundm, der eg og Heidi skal bu i tre veker medan me er i praksis på Hareid. Me kom i går og tok oss ein tur rundt om i byen. Dagen idag har gått til å dille med bilete. Og medan eg gjorde det har eg funne ut kor mykje kjekt eg har gjort i det siste. Eg tenkjer eg deler nokre bilete me dykk:

I somar fekk eg komt meg til Kjeller. Her på vitjing hjå Randi (bestemor til min kjære). Me er fine!

Og hjå Randi. Finefine hunden.

Døves kulturdager i Molde. Her er Tyst teater (heilt til høgre og heilt til venstre) og to frivillige skodespelare - meg og ein eg ikkje kjenner.

Alle som var med til Molde frå 3. klasse. Meg, Anine, Julie og Marianne. Her på atlanterhavsvegen. Solveig. Me er på Fløientur.

Andreas. Og på Fløientur.

Nina Marie (mi flotte syster) var på vitjing sjå meg.

Denne helga vitja eg Inga i Oslo. Her er eg foran slottet - supernøgd. Eg har nemleg ikkje vore i tigerstaden før.

Fotoskyting

For ei stund sida var eg og min kjære på veg til Erling. Me (les: eg) fann ut at det var fint ver. Me hadde to paraplyer. Eg har kamera. Kva bler det i mitt hovud? Jo, bileteskyting. Me er superfine, er me ikkje? Og me bur jo i Bergen, så stilen passar einkvar dag ;o)

Eg følar eg har herma etter Astri, men eg kan berre skulde på at ho har inspirert meg :o)

Bergen

Ja, eg er i Bergen att!

Byen i mitt hjarte. Og ja, eg lever framleis sjølv om det ikkje har vore mykje livsteikn frå meg i somar. Bloggen min fortalde meg nemleg at han og ville ha ferie, så då måtte eg berre nikke og vere enig. Men no har han ikkje lov å ha ferie lenger. Sjølv om me ikkje har internett heime og sjølv om eg ikkje har rydda i nokon av bileta eg har tatt i somar. No har eg lest meg opp på alle andre sine bloggar og er klar for å gi fra meg nye livsteikn igjen. Det skal man jo når man er ein annan stad. Seier nokon. Det er same for meg egentleg (Eg har forresten blitt påvirka av byasar i somar og seier no tidt og ofte egenlig - i staden for egentligt. Det er ikkje bra!) Men eg likar å gi frå meg nokre livsteikn. Noko kan man dele med heile verdsveven. Ikkje at eg trur heile veven les min blogg, det hadde vore litt veldig skremmande. Men nokon les. Trur eg.

Camilla og Ingvild har flytta frå meg og Sandra og det er litt rart og litt trist men og litt fint, for me har fått to nye flotte menneskje inn i leiligheten. Maria og Miriam. Kanskje det plutseleg kjem bilete av dei. Me har det kjempefint. Eg har kjøpt ein plante som heiter Baltus og eit fint bilete. Miriam har kjøpt ei turkis rame, som ho ikkje hadde noko bilde til, så ho fann eit bilete av ein eller anna mann. Me kallar han Gunnar.

Då me ikkje har internett heime (grrr...) sit eg på skulen. Men det gjer jo at de får gleda av å se kor vakker eg hadde vore med rosa hår! Eg trur det må bli min nye stil!

17. Mai

Var utruleg kjekt.

Eg hadde ein superduper dag. Fyrst åt me frukost i Salem. Der var det mykje god mat og herlege menneskje. Så gjekk me i tog. Eg gjekk me Laudate. Me gjekk bak Salem. Me sang mykje og var fine. Etter toget sat me i Salem og åt kaker og drakk brus og snakka med mange kjekke folk. Etter det vart det bileteskyting for å dokumentere kor fine me er. Me kjøpte sukkerspinn før meg og Glenn-Thore måtte heim å slappe av litt. Og Siri Beate måtte skifte sko for dei ho gjekk me hadde skaffa henne ikkje mindre enn fire gnagsår... Eit av dei dekka heile oversida av tåa... Det var ikkje behageleg. Etter ein pause heime gjekk me å åt middag på Bryggeloftet og Stuene. Dei har kjempegod mat. Me var med BEAST (BErgen Akademiske og Sosiale Tegnspråkforum). Det var koseleg. De kjenner meg; Her kjem bilete frå den herlege dagen:

Frukost. Viktig å ta bilete av ein sjølv. Sandra og Camilla.

Me leiter etter toget. Jan Idar og Ingvild. Finingane.

Sandra har flagg.

Camilla.

Så fann eg Laudate. Solveig er nasjonalistisk.

Posering. Me er fine.

Tøffe gutar. Kristian og Glenn-Thore.

Me er fine. Diverre har eg ikkje bunaden min på meg. Dette fordi eg gløymde han (ho?) heime. Det er teit. Difor kjøpte eg meg ny kjole til 17. Mai. Eg er nøgd.

Bloggpause

Eksamen og praksis stjel tida mi - dei er rett og slett tidstjuvar. Men kven veit - kanskje det kjem eit innlegg eller to trass "mørketida". Berre ikkje forvent noko av meg før 21. Mai - for då er eksamen levert (ho må vere det, så sånn er det). Her har de nokre bilete de kan sjå på viss de hopp innom for å sjekke om det er kome noko;

Jostein er glad. Jostein er og kul.

Nydelege jenter! Eg er så glad i dykk! Kristine, Janne, meg og Silje. Sjå blogglista til venstre om du vil.

"Girls are not that complicated. Just feed us chocolate and tell us we're pretty"

Korset. Ein skal ikke gløyme det viktigste.

Eg har fått ein award, eller pris om eg får seie det på Norsk. Eg har diverse aktive bloggerar på mi veneliste og Sophie Mari er ei av dei. Og no har ho gitt meg ein pris. Eg må seie det var ein koseleg ting å få ein onsdags morgon når eg egentligt burde gjere oppgåver, men les bloggar i staden for.

The sunshine blog award i awarded to bloggers whose positivety and creativity. Inspire other in the blogworld. The rules for accepting the award are: Put the logo on your blog or whitin your post Pass the award to 12 bloggers Link the nominees whitin your post Let them know they recieved this award by commenting their blogs Share the love and link to the person from who you recieved the award from

Eg gir denne flotte prisen vidare til:

http://fidje.blogspot.com

http://astrimiastri.blogspot.com

http://nyhendefrabergen.blogspot.com

http://kristineselj.blogspot.com

http://janneibergen.blogspot,com

http://frokenpedersen.blogspot.com

Eg likar ting som skjer spontant. Ikkje det at eg ikkje likar planar. Eg er av og til litt for gla i planar. Men når ein finn ut at me går på kafe no, eller me går tur, eller andre kjekke ting ein berre plutseleg bestem seg for å gjere. I går fann eg og Grete Kristin ut at me ikkje hadde så mykje å gjere som me trudde på skulen og gjekk derfor på kafe. Me vert sitjande på kafe i monge timar, og det var kjempekoseleg. Camilla blei og med. Eg kan verkeleg anbefale Kvarteret sin kafe. Det er billeg, og samstundes har dei god plass og gode sofaer. Det eine som ikkje var heilt topp var at me ikkje fann ut kor me kom oss inn, men eg kan informere om at inngongen er i 2. etasje på baksida. Ta deg ein spontantur med ein god ven, gjerne meg, og kos deg!

Sophie Mari

Min gode ven frå ungdommen, (Ja - eg skriv d for å virke gamal...) Sophie Mari fyller 23 år idag og er dermed mykje eldre enn meg :o) Sophie Mari er og ferdig utdanna og i fast jobb, noko som framhevar poenget mitt. Men inni hovuda våre er nok verken eg eller Sophie Mari eller eg serleg gamle...

Her er eg og Sophie Mari på TMF(tenmisjonsfestivalen). Dette er somaren 2004.

BUK

Kvifor har eg skrive tre bokstavar i overskrifta mi? Jo, det skal eg fortelje deg! BUK står for Barne og UngdomsKonferansen til NMSU. Og NMSU - det står for Det Norske Misjonselskaps Barne- og Ungdomsorganisasjon. Og det er NMSU sitt "årsmøte" eller "generalforsamling" om du vil. Der var eg i byrjinga av Februar. Og det var utruleg inspirerande, morosamt, kjekt og litt keisamt.

Me reiste frå heile landet til ein leirstad som heitter Kjelsund. Den ligg i Herøy kommune på Sunnmøre. Målet for helga var å bestemme monge viktige sakar som til dømes endringar i grunnlovar og vedtekter for NMSU. Men me fekk og tid til mykje anna morosamt og kjekt.

Her stemmer me. Moki vil og vere med å stemme. Han får hjelp av Sondre.

Temaet for konferansen var "Følg meg" og difor fekk me sauenamneskilt og fyrste dagen hadde me FÅRedrag...

Sauen Siri Beate.

På laurdag hadde me konsert med Compass. Dei var verkeleg flinke. Glade gutar.

Iselin og Mie kosar seg.

Gjennom heile helga hadde me fokus på å følje Jesus. Og ein av dei tinga så blei sagt i eit av møta var at nokre gonger er det ikkje så lett å vite korleis ein skal klare å følje Jesus, og ein ser ikkje alltid kvar Gud vil at ein skal gå. Og då kan ein be om at Jesus må dra oss med der han går. Be om at han kan hekte oss fast i han, så me ikkje slepp taket. Be om at han må hjelpe oss ut i utfordringar og gleder. For så lenge me heng på Jesus er me trygge. Me har ikkje kontroll, men han som veit så mykje meir enn oss har kontroll. Og me kan verkeleg stole på han, me er "berre" nødt til å tore å la han ta kontroll. Det sneik seg kanskje inn nokre av mine tankar og der... Men eg har funne ut i løpet av denne helga at eg kan gjerne samanligne meg med ein dum sau så lenge Gud er hyrden min.

Det var monge flotte folk med på konferansen. Her er bilete av nokre av dei:

Jens Jørund. Han likar juice.

Håkon og leirens maskot; Ingeborg Marie.

Iselin.

Nyttår

Det er framleis Januar...

Inga av bileta er ordna noko på.

Jostein.

Ingunn.

Ida.

Inga og Glenn-Thore. Her er det noko merkeleg. Kan det vere Inga har tatt kjærasten min? Fortvil ikkje, kjære vener, det ser berre sånn ut på biletet.

Sjå - eg kan blunke! *stolt*